RIVERSDAL NUUSFLITS – Twee susters, Lilian en Sharleen van Reenen van die woongebied Aloeridge het al hul besittings verloor nadat die hut waarin hul gebly het, tot die grond toe afgebrand het.
Die voorval het Donderdag, 12 Maart teen ongeveer 13:00 plaasgevind.
Met Suid-Kaap FORUM se aankoms op die toneel was die brand feitlik geblus en het die brandweerpersoneel die laaste smeulende items verwyder en sekergemaak dat dit nie weer sal opvlam nie. Nuuskierige bure en omstanders het aan die buitekant van die erf saamgedrom.
Lilian was in 'n erg geskokte toestand en feitlik ontroosbaar.
Volgens haar was hulle in die dorp toe die brand uitebreek het.
"Die hut is op ons ouers se erf en hulle was in hul huis, dus weet ons nie wat dit kon veroorsaak het nie. Nou het ons niks nie, alles het verbrand. Ons het net die klere aan ons lywe," het sy snikkend vertel.
Volgens Adneshel Vos, hoof beskermingsdienste wat ook op die toneel was, is 'n paar mense deur die ambulansdienste vir rookinaseming behandel.
Lees meer in volgende week se Suid-Kaap FORUM, asook aanlyn.
Kyk na 'n kort video van die brand hier onder.
'Ons bring jou die nuutste Riversdal, Hessequa nuus'
