HESSEQUA NUUS - Solidariteit het Sondag, 28 Junie sy noodplan bekendgestel indien die nasionale elektrisiteitsnetwerk ineen sou stort.
Die plan is opgestel om verbruikers te help beplan vir twee weke sonder krag sodat daar nie paniek is as die land in duisternis gehul word nie. Dit is opgestel deur Solidariteit se navorsingsinstituut.
Mense sal in 'n groot mate op hulself aangewese wees as dit gebeur en moet daarom voorbereid wees.
Die plan gee wenke oor water- en kosvoorraad, reëlings wat gesinne kan tref om bymekaar uit te kom indien kommunikasie nie moontlik is nie, veiligheidsmaatreëls, samewerking in die gemeenskap en met bure, higiëne, riolering en selfs vermaak.
Dit is ook opgedeel in prioriteit en bykomende wenke voor en gedurende 'n kragonderbreking.
Solidarieit het Nersa se besluit om geen tariefverhoging aan Eskom toe te staan nie, verwelkom. Deon Reyneke, hoof van die Energiebedryf in Solidariteit het genoem dat die tyd aangebreek het dat Eskom verantwoordelikheid aanvaar vir sy eie probleme.
- Besoek www.solidariteit.co.za of skakel 0861 25 24 23 vir meer inligting.
- Skakel na noodplan vir black-out http://bit.ly/1GOr1t3
'Ons bring jou die nuutste Hessequa nuus'
